Interi nuk ka befasuar në ndeshjen ndaj Viktoria Plzen, në kuadër të fazës së grupeve të Champions League.

“Zikaltrit” i shënuan plot katër gola mysafirëve, duke e arritur një fitore të dyfishtë: një ndaj çekëve, një ndaj Barcelonës.

Katalunasit “fërkonin duart” para ndeshjes, në shpresë për një gabim të skuadrës së Inzaghit, por kjo gjë nuk ndodhi.

Sa i përket ndeshjes, golat për Interin u shënuan nga Mkhitaryan, Dzeko (x2) dhe Lukaku.

Si rrjedhojë e kësaj, Barcelona do të kalojë një rang më poshtë, në Europa League, pasi nuk ka asnjë gjasë kualifikimi në fazën me eliminim direkt. /Lajmi.net/