Massimiliano Allegri ka folur në lidhje me të ardhmen e tij, pas rezultateve të dobëta, të regjistruara në këtë fillimsezon me Juventusin.

Katër barazime, dy humbje dhe dy fitore – ky është bilanci i trajnerit tash për tash me “Zonjën e Vjetër”.

Humbja e djeshme duket se ringjalli zërat për një shkarkim të mundshëm të tij, por vetë ai nuk e mendon këtë gjë.

“Nuk e ndiej se puna ime te Juventusi është në rrezik. Është normale të kesh këso momentesh në futboll”, tha fillimisht ai.

“Ne duhet të punojmë fort dhe ta ndryshojmë situatën – po ashtu, ne kemi shumë lojtarë të lënduar”, përfundoi ai.

Juventusi aktualisht gjendet në pozitën e tetë në Serie A, ndërsa në Champions League renditet i parafundit me asnjë pikë në dy ndeshje. /Lajmi.net/