Të dy lojtarët ishin pjesë e rëndësishme e skuadrës ndër vite, duke u ndihmuar “Los Blancos” të triumfojnë në çdo kompeticion të mundshëm.

Lajmet për largimin e dyshes u bënë ndaras nga klubi, duke i falënderuar të dy për punën e bërë gjatë këtyre viteve në mbajtjen e klubit në nivele të larta.

Më poshtë gjeni komunikatat për të dy lojtarët:

Për Iscon

Real Madrid dëshiron të shprehë mirënjohjen dhe dashurinë e tij për Francisco Alarcón ‘Isco’, i cili në këto nëntë vite në të cilat ai ka mbrojtur simbolin tonë dhe fanellën tonë ka arritur të bëhet legjenda e klubit tonë.

Ai mbërriti në Real Madrid kur ishte vetëm 21 vjeç dhe gjatë kësaj kohe ai ka jetuar një epokë që do të mbetet në kujtesën e të gjithë tifozëve madrilen dhe të gjithë tifozëve të futbollit. Isco ka fituar 19 tituj në një karrierë të shkëlqyer me ekipin tonë: 5 Kupa Evropiane, 4 Kupa të Botës për Klube, 3 Superkupa Evropiane, 3 Liga, 1 Copa del Rey dhe 3 Superkupa Spanjolle. Përveç kësaj, ai u shpall lojtari më i mirë i finales së Superkupës Evropiane 2017.

Futbolli i tij ka lënë gjurmë te të gjithë madrilenët që kanë ndarë me të këtë rrugë të gjatë plot suksese me momente të paharrueshme.

Real Madridi është dhe do të jetë gjithmonë shtëpia e tij dhe i uron atij dhe gjithë familjes së tij fat të mirë.

Për Bale

Real Madrid dëshiron të shprehë mirënjohjen dhe dashurinë e tij për Gareth Bale, një lojtar që tashmë është pjesë e legjendës së këtij klubi përgjithmonë.

Që nga ai 2 shtator 2013 kur mbërriti në Real Madrid në moshën 24-vjeçare, ai ka jetuar në këto nëntë vite një nga kohët më të ndritura në historinë tonë. Gjatë kësaj kohe në të cilën ka mbrojtur fanellën dhe mburojën e Real Madridit, ai ka fituar 19 tituj: 5 Kupa Evropiane, 4 Kupa të Botës për Klube, 3 Superkupa Evropiane, 3 Liga, 1 Copa del Rey dhe 3 Superkupa Spanjolle. . Në baza individuale, ai u emërua lojtari më i mirë i finales së Ligës së Kampionëve 2018 dhe fitoi Topin e Artë në Kupën e Botës për Klube po atë vit.

Përtej rekordit të tij, Gareth Bale ka shënuar gola të mrekullueshëm dhe ka qenë shpesh vendimtar për Real Madridin. Nuk harrohet goli i tij me kokë në finalen e Ligës së Kampionëve në Lisbonë e galopimi i tij i jashtëzakonshëm në finalen e Kupës së Mbretit në Valencia.

Real Madridi është dhe do të jetë gjithmonë shtëpia e tij dhe i uron atij dhe gjithë familjes së tij fat të mirë. /Lajmi.net/