Ylli belg, Romelu Lukaku vazhdon të lidhet me një rikthim të mundshëm te skuadra e Inter, pas aventurës jo të mirë me skuadrën e Chelsea.

Sipas ‘Calciomercato’, Inter janë të interesuar të kthejnë Lukakun, por kësaj radhe në formë huazimi, përcjell lajmi.net.

Lojtari bëri bujë të madhe muaj më parë, kur në një intervistë për media italiane shprehu haptazi pakënaqësinë e tij me ‘Blutë’.

Ai përmendi mes tjerash se zemra e tij vazhdon të jetë me Inter, ku sipas tij kaloi periudhën më të mirë në karrierë.

Inter nuk kanë mundësi që të paguajnë kartonin e lojtarit, por duan që të bëjnë një lëvizje në formë huazimi, që do t’i kushtonte më pak.

Mbetet të shihet se cilët do të jenë hapat konkret që ‘Zikaltërit’ do të bëjnë gjatë verës. /Lajmi.net/