Cavani, 34 vjeç, e sheh kontratën e tij në Old Trafford të skadojë në qershor 2022.

Sipas raportit, ai është i hapur për t’u larguar nga Old Trafford sepse dëshiron një klub që e motivon atë.

Juventus ka rekordin më të keq të sulmit në mesin e dhjetë klubeve më të mira në Serie A, pasi ka shënuar 22 gola në 16 ndeshje të ligës deri më tani këtë sezon.

Cavani është një nga lojtarët në radarët e Juventusit së bashku me Dusan Vlahovic të Fiorentinës dhe Gianluca Scamacca të Sassuolos.

Sipas ‘La Gazzetta dello Sport’, Vlahovic është objektivi numër 1 i Bianconerëve, por Manchester City dhe Tottenham kanë një buxhet më të madh transferimi se ‘Zonja e Vjetër’ dhe është ende e paqartë nëse 21-vjeçari do të largohet apo jo nga Franchi në janar.

Sipas raportit, Juventusi duhet të shesë Dejan Kulusevski dhe Aaron Ramsey për të rritur buxhetin e tyre dhe për të bindur Fiorentinën të shesë Vlahovic.

Scamacca po monitorohet edhe nga gjigantët e Serisë A dhe e njëjta gjë vlen edhe për Interin.

Sassuolo e vlerëson yllin e tyre në 40 milionë euro dhe nuk është i gatshëm ta shesë atë në janar. /Lajmi.net/