Parisienët ishin në disavantazh pas pjesës së parë, megjithatë përmbysën gjithçka në pjesën e dytë.

Mysafirët hapën sfidën me anë të sulmuesit Jonathan David në minutën e 31-të, gol me të cilin u mbyll pjesa e parë.

Vendasin treguan forcën dhe e rikthyen avantazhin, fillimisht duke e barazuar rezultatin me anë të qendërmbrojtësit Marquinhos në minutën e 74-të, gjersa goli i fitores erdhi nga Angel di Maria në minutën e 88-të nga një asistim i Neymar.

Për të parë golin fitues të Di Marias klikoni këtu – VIDEO

Kujtojmë që për këtë ndeshje tek PSG munguan lojtarët si Mbappe, Verratti, Hakimi, Paredes e Ramos, gjersa Lionel Messi u zëvendësua vetëm pas 45 minutave të parë të kësaj përballje të sotme.

Me këtë fitore PSG blindojnë pozitën e parë tani duke u shkëputur në 10 pikë nga përcjellësi i dytë, teksa ka 31 pikë të mbledhura pas 12 xhirove, me 10 fitore, një humbje dhe një barazim. /Lajmi.net