Perez: Në janar situata e Mbappe do jetë plotësisht e zgjidhur
Presidenti i Real Madridit, Florentino Perez ka dhënë disa detaje për të ardhmen e yllit të PSG-së, Kylian Mbappe.
Sport
Francezi kërkoi largimin verën e kaluar dhe donte t’i bashkohej Realit, por oferta e skuadrës spanjolle me vlerë 180 milionë euro u refuzua nga PSG, transmeton lajmi.net.
Perez ka dhënë intervistë për El Debate, ku edhe konfirmoi që e ardhmja e Mbappes zgjidhet në janar.
“Në janar do kemi disa lajme të reja për Mbappe”.
“Shpresojmë që me 1 janar, situata e Kylian Mbappe do jetë plotësisht e zgjidhur”, tha fillimisht ai.
Ndërkohë, tutje Perez foli edhe për fitimet gjatë pandemisë së COVID-19.
“Kemi shkuar nga fitimi i 900 milionë eurove në vetëm 600 milionë euro. Stadiumi i ri do na ndihmojë të rinovojë klubin, por do duhen tre vite për të rikthyer vlerat që kishim para pandemisë”.
“Kemi mbi 300 milionë tifozë në rrjetet sociale. Kemi tifozë sa çdo skuadër e NBA, vetëm Los Angeles Lakers dhe Chicago Bulls kanë më shumë”, deklaroi ai.
Ndërkohë, Mbappe gjithashtu konfirmoi se dëshironte largimin në verë dhe që është shumë larg për të rinovuar kontratën./Lajmi.net/