Pas rezultimit pozitiv me COVID-19 të Kalidou Koulibaly, listës së problemeve në mbrojtje iu është shtuar edhe Kostas Manolas me lëndimin e tij, transmeton lajmi.net.

Napoli konfirmoi në uebfaqen e klubit se Manolas ka pësuar një lëndim në kyçin e djathtë të këmbës dhe koha e rikupërimit vlerësohet të jetë tre javë jashtë fushave të blerta.

Manolas u zëvendësua pas 68 minutash në duelin ndaj Genoas, ai u zëvendësua nga Amir Rrahmani. Tani, Rrahmani mund të përfitojë nga situata e lëndimeve në mbrojtje dhe të fitojë besimin e Gattusos gjithashtu duke ngritur formën e lartë që kishte në sezonin e kaluar.

Lajmin për lëndimin e Manolas e ka bërë të ditur Napoli përmes një komunikate zyrtare në uebfaqen e klubit.

“Informacionet nga klinika Pineta Grande, evidentojnë që një lëndim i shkallës së dytë të ligamentit në kyçin e këmbës së djathë. Rikuperimi parashihet të zgjasë tre jave, futbollisti ka filluar procedurat”, thuhet në komunikatën e klubit./Lajmi.net/

? | Manolas, distorsione di secondo grado della caviglia destra con interessamento del legamento peroneo-astragalico anteriore.

? https://t.co/z9DnlKlOuB

? #ForzaNapoliSempre pic.twitter.com/y6RzzZ1udg

— Official SSC Napoli (@sscnapoli) February 8, 2021