Eden Hazard u transferua te Real Madrid gjatë verës së kaluar, por këtë sezon nuk arriti të linte gjurmë, duke vuajtur nga një numër i madh lëndimesh.

Paraqitjet e lojtarit nuk ishin asnjëherë maksimalet, dhe ishin larg më të mirave që jemi mësuar t’i shohim nga ai.

Por, Kepa Arrizabalaga, portieri spanjoll që luan me Chelsea e që  e kishte belgun shok skuadre, ka paralajmëruar skuadrat e La Liga se ato nuk kanë parë akoma më të mirën nga ylli i Real Madrid.

“Nuk e di nëse Hazard është në nivelin e Ronaldos dhe Messit, për shkak të numrave që këta dy të fundit kanë regjistruar ndër vite, por është afër tyre”, ka thënë fillimisht Kepa, i pyetur nëse Hazard është në nivelin e Messi e Ronaldo, transmeton lajmi.net.

“Ai është lojtar i mrekullueshëm. Më e mira nga Hazard nuk është parë akoma nga La Liga”, ishin fjalët e portierit.

Ndër të tjerash Kepa ka thënë se është i lumtur te Chelsea dhe ka bërë të ditur se nuk synon një kalim në La Liga. /Lajmi.net/