Si rezultat, amendamenti 24 që parasheh ndryshime kushtetuese për t’i hapur rrugë formimit të Gjykatës Speciale, nuk kaloi.

Ibrahimi në rrjetin e tij social facebook ka thënë se me të vërtetë sot ka fituar demokracia, por ka vënë në dyshim nëse kjo është një fitore për shtetin e Kosovës.

“Deputetët që votuan kundër, dhe ata që kundërshtuan pa votuar, vunë një gur në themelet e demokracisë së Kosovës, por sa ishte në favor të interesit të Kosovës ajo votë kundër do ta dëshmojë koha. Vërtetë demokracia fitoi, por a fitoi edhe Kosova, nuk do shumë mend të shihet” është shprehur ai

Më poshtë mund të gjeni shkrimin e plotë të analistit Ilir Ibrahimi:

“Democracia është sistemi më i keq i qeverisjes përveç gjithë të tjerave që janë sprovuar deri tani “, është një thënie e Winston Churchill.

Shembull shumë praktik i kësaj thënieje u pa sot në Kuvendin e Kosovës. Deputetët që votuan kundër, dhe ata që kundërshtuan pa votuar, vunë një gur në themelet e demokracisë së Kosovës, por sa ishte në favor të interesit të Kosovës ajo votë kundër do ta dëshmojë koha.

Me votë të lirë sot deputetët e Kosovës votuan për dy opsione:

• Një gjykatë të themeluar nga ta ( deputetët e kuvendit) e cila do të merrej me pastrimin e oborrit të shtëpisë, e sygjeruar dhe e inkurajuar nga partnerët strategjikë si Shtetet e Bashkuara dhe Bashkimi Evroian, apo
• Një gjykatë të themeluar nga Rusia, e cila nuk do të ndalet nga këta partnerë strategjikë, dhe do të merret me pastrimin e oborrit tonë

Vërtetë demokracia fitoi, por a fitoi edhe Kosova, nuk do shumë mend të shihet.