Atletico Madrid ka fituar garën për transferimin e sulmuesit të Portos, Jackson Martinez.

Klubi spanjoll do të paguajë 35 milionë euro për blerjen e reprezentuesit kolumbian, ka bërë të ditur e përditshmja sportive madrilene “Marca”.

Pas dështimit për angazhimin e yllit të Juventusit, Carlos Tevez, skuadra e trajnerit Diego Simeone ka kthyer vëmendjen tek Martinez, objektiv i madh i Milanit.

Mirëpo, Atletico i mposhti “Rossonerët”, duke paguar dëmshpërblimin në kontratën e Martinezit me Porton. Andaj, futbollisti shumë shpejtë do të nënshkruajë në Vicente Calderon.