Kjo për faktin se qeveria i është dorëzuar presionit të shoqërisë civile dhe përfaqësuesve të tjerë që të mos ndryshojë Kodin Penal, pikërisht pikën për deklarimin e pasurisë.

Megjithatë, shmangies së deklarimit të pasurisë po i kontribuojnë organet e drejtësisë, duke mos e hetuar prejardhjen, por vetëm procesin e mosdeklarimit.

Megjithëse ekzistojnë gjithë këto probleme rreth deklarimit të pasurisë, tërheqja e Ministrisë së Drejtësisë nga ndryshimi i Kodit Penal, përkatësisht pikës për deklarimin e pasurisë, paraqet hap pozitiv, porse tani iu mbetet të tregojnë efikasitet prokuroria dhe gjykatat, thotë Betim Musliu nga Instituti i Kosovës për Drejtësi.

Kryetarja e komisionit për legjislacion thotë se iniciativa e qeverisë ka qenë haptas një tendencë për krijimin e mundësisë së ikjes nga përgjegjësia ligjore e keqpërdoruesve të buxhetit shtetëror.

KTV kishte raportuar më herët për iniciativën e Ministrisë së Drejtësisë për ndryshmin e Kodit Penal.