Inter është i interesuar për transferimin e mesfushorit të Atletico Madridit, Mario Suarez.

Nerazzurrët kanë angazhuar Lukas Podolskin dhe Xherdan Shaqirin deri më tani gjatë këtij sezoni dhe tani kërkojnë edhe Suarezin.

Por, ekziston një çmim për të arritur deri tek anëtari i Atleticos.

Sipas mediave italiane, ardhja e Suarezit në Giuseppe Meazza do të përcillet me transferimin e sulmuesit kryesor të Interit, Mauro Icardi në Vicente Calderon, në fund të këtij sezoni.

Drejtuesit e kampionit të La Ligës – tashmë një kohë të gjatë të interesuar për Icardin – kërkojnë përfshirjen e sulmuesit në marrëveshje për kalimin e Suarezit në Inter.