Daily Express raporton se Arsenali dhe Liverpooli do të garojnë kokë më kokë për të transferuar 19 vjeçarin e Lazios, sulmuesin Keita Balde Diao.

Keita Balde ka treguar performance mbresëlënse me skuadrën e tij aktuale, duke tërhequr vëmendjen e gjigantëve angleze, Arsenalit dhe Liverpoolit.

Keita Balde është lindur në Girona të Spanjës nga prindërit senegalez. Ai në vitin 2010 u regjistrua në akademinë e Barcelonës, duke shfaqur talentin e tij.

Gjatë një gare në Katar, ai bëri disa gjeste jo të mira, dhe Barcelona e dënoi atë duke e huazuar te Cornella si 15 vjeçar. Ai shënoi 47 gola për këtë skuadër në një sezon.

Pas kësaj, ai refuzoi të rikthehej te Barcelona, duke shfaqur interesin e Real Madridit dhe Manchester United. Sidoqoftë, në verën e vitit 2011 ai u transferua te Lazio.