Menaxheri i Arsenalit, Arsene Wenger e ka vendosur mbrojtësin e Manchester Unitedit, Chris Smalling në krye të listës së kërkesave të tij për të zgjidhur telashet e repartit defanziv, gjatë afatit kalimtar të janarit, njofton “Mirror”.

Wenger kërkon një mbrojtës në janar dhe Smalling mund të largohet nga Old Trafford pasi menaxheri Louis van Gaal publikisht e kritikoi përjashtimin e tij në derbin e humbur nga Manchester City në fundjavë.

Dhe, Wenger e ka njoftuar ekipin e tij të skautëve të gjejnë një mbrojtës që mund të plotësojë mungesën e Laurent Koscielnyt dhe Mathieu Debuchy që janë ende të lënduar.

Smalling është një opsion i mirë edhe për faktin se e njeh mirë Premierligën.