Mediat angleze gjatë ditës së sotme në rrjete sociale kanë raportuar se Adnan Januzaj pritet që të startojë në takimin e ardhshëm të Manchesterit të cilin e zhvillon kundër Crystal Palaces.

Edhe pse nuk është duke kaluar në një formë të mirë, Louis Van Gaal ka besim të madh në aftësitë dhe talentin e Januzajt.

Ai ka startuar në ndeshjet e fundit të skuadrës së tij, ku vlejnë të përmenden ato kundër Chelseas dhe Manchester Cityt. Sidoqoftë, ai nuk ka shënuar ndonjë gol në këto takime.

Përndryshe, United është duke kaluar në një periudhë të vështirë, pasi ka shumë mungesa sidomos në fazën e mbrojtjes. Ndeshje e ardhshme do të luhet në Old Trafford kundër Crystal Palaces, këtë të shtunë me fillim nga ora 16:00.