8 mijë studentë aplikojnë për 3 mijë e 600 vende në konvikte
Interesimi i studentëve për banim në konviktet e Prishtinës është tejet i madh. Për 3 mijë e 600 vende, kanë aplikuar rreth 8 mijë studentë.
![](https://lajmi.net/wp-content/uploads/media/image/201409/full/83527600_83534000.jpg)
Lajme
Sot në ora 15:00, ka përfunduar afati për aplikim për pranimin e studentëve në konviktet e Qendrës së Studentëve të Universitetit të Prishtinës.
Konkursi ishte i hapur 10 ditë, ndërsa në këtë afat kohor për strehim në konviktet e Qendrës së Studentëve kanë aplikuar rreth 8000 studentë.
Kapacitetet e Qendrës së Studentëve për pranim janë 3600.
Sipas një njoftimi nga QSUP komisioni në përbërje nga zyrtarët e Qendrës së Studentëve, MASHT- it dhe Parlamentit Studentor do të bëjnë vlerësimin për studentët të cilët plotësojnë kushtet për vendosje në Qendrën e Studentëve.
Rezultatet për pranimin e studentëve të cilët kanë plotësuar kushtet për pranim do të publikohen më datën 23 të këtij muaj.