Sipas Gerardo Molina, drejtor i Euro Americas, një prej agjencive më të mëdha të marketingut në botë, Manchester City është duke shqyrtuar mundësinë e paraqitjes së një oferte marramendëse prej 400 milionë euro për sulmuesin e Barcelonës, Lionel Messi, raporton “Mundo Deportivo”.

Gjithnjë sipas deklaratave të Molinas, kampioni i Premierligës seriozisht është i interesuar për transferimin e yllit argjentinas, që spekulohet se mund të largohet nga Camp Nou, në fund të këtij sezoni.

Molina beson se oferta e Cityt vlen “350-400 milionë euro, dhe në të është e përfshirë edhe paga e futbollistit për kontratë pesëvjeqare në Etihad”. 

Gerardo Molina, specialist i kompanisë për marketing sportiv Euromericas Sport Marketing ka bërë të ditur se ekziston një klub që është në gjendje të paguajë 400 milionë euro për transferimin e yllit të Barcelonës, Lionel Messi.

Molina, në deklaratat e tij për Cadena SER, sugjeroi se skuadra në fjalë është Paris Saint-Germain, edhe pse nuk ia përmendi emrin, shkruan El Mundo Deportivo.

“Ekziston një klub që me ndihmën e sponsorit të tij mund të paguajë 400 milionë euro për Messin. Në fakt, janë tri klube që kanë kërkuar nga ne të bëjnë një studim rreth vlerës së Messit. Ne nuk mund t’i përmendim emrat për çështje të privatësisë, por studimi mund të konsiderohet si një hap i parë rreth interesimit për transferimin e tij”.

Euromericas Sport Marketing së fundmi publikoi një raport të bazuar në aftësinë e tij të jashtëzakonshme si futbollist dhe rëndësinë e tij në departamentin e marketingut dhe sugjeroi se Messi vlen pak më tepër se 400 milionë euro.