3 viktima dhe 18 të lënduar pas rrokullisjes së një autobusi në Stamboll

Reshjet e dendura të dëborës kanë shkaktuar kaos trafiku në Turqi, me të paktën tre persona të vdekur sot në një aksident me autobus në Stamboll.

Bota

23/01/2022 16:39

Sipas raporteve, të paktën 18 persona u plagosën kur drejtuesi i autobusit humbi kontrollin mbi mjetin, i cili më pas ra në një kanal.

Kalimi përmes Ngushticës së Bosforit në Stamboll u mbyll përkohësisht nga të dyja anët për shkak të dukshmërisë së dobët.

Në provincën veriore të Detit të Zi, Tokat, ku gjithashtu binte dëborë e madhe, një autobus rrëshqiti dhe u përmbys.

Nga ky aksident një person ka humbur jetën dhe të paktën 18 të tjerë janë plagosur.

Moti i keq ka prekur edhe jetën publike në Turqinë Juglindore.

Në provincat e Bingol, Sirnak dhe Elazig, shumë fshatra janë bllokuar.

Drejtoria e Përgjithshme Meteorologjike pret që reshjet e dendura të dëborës të vazhdojnë në Stamboll dhe pjesë të rajonit të Detit të Zi.