Pos kësaj, sipas shifrave, 25 mijë e 636 raste pozitive janë shënuar në Kosovë vetëm gjatë 2 muajve të fundit krahasuar me rreth 16 mijë sa janë shënuar në gjithë periudhën për mbi 7 muajt e parë të pandemisë. Në periudhën 13 mars – 1 tetor janë shënuar 15,663 raste pozitive dhe 627 raste të vdekjeve kurse vetëm nga 1 tetori deri sot janë 25,636 raste pozitive dhe 435 raste të vdekjeve.

Instituti i Shëndetit Publik ka bërë thirrje pasdite për kujdes dhe ka alarmuar për shifrat e larta. “Pakujdesi na dërgon shumë shpejt në mbingarkesën e Institucioneve shëndetësore dhe shtimin e rasteve fatale. Ju lutemi të keni kujdes në mbajtjen e maskave, mbani distancë dhe higjienën personale”, thuhet në apelin e IKSHPK-së.

Gjithsej nga 13 mars e deri më 3 dhjetor në Kosovë kanë vdekur 1062 persona e janë infektuar 41,299. Numri total i të shëruarve është 26,453.

E pas këtyre statistikave alarmante, sot IKSHPK ka bërë një apel ndaj qytetarëve që të jenë më të kujdesshëm për arsye se kapacitetet spitalore po shkojnë drejt kolapsit. /Lajmi.net/