20 vjet nga masakra e Vushtrrisë

8:28 | 22 Maj 2019

Sot bëhen 20 vjet nga Masakra e Vushtrrisë ku brenda pak orësh në këtë qytet jeta e dhjetëra personave u ndërpre nga forcat policore, ushtarake dhe paramilitare serbe.

Më 22 maj të vitit 1999 në qytetin e Vushtrrisë u vranë në mënyrën më çnjerëzore 77 persona, derisa një person tjetër ende është në listat e të zhdukurve.

Të njëjtën ditë u plagosën shumë persona, e po ashtu nga forcat serbe u arrestuan edhe qindra persona, qytetarë të Vushtrrisë.

Personat e vrarë dhe të masakruar nga forcat serbe u dërguan në varrezë masive në poligonet ushtarake Beograd, për t’u zbuluar disa vite më vonë

Për të kujtuar këtë ngjarje, nën patronazhin e kryetarit të Komunës së Vushtrrisë, Xhafer Tahiri, sot organizohet akademi përkujtimore kushtuar martirëve të rënë para 20-vtiesh.

Akademia do të mbahet në gjimnazin “Eqrem Çabej” në ora 11:00, ndërsa paraprakisht do të bëhen homazhe te memoriali dhe varrezat e martirëve. /Lajmi.net/