20 mijë euro tender për mirëmbajtjen e shtizave të flamujve

23:48 | 28 Maj 2016

Për mirëmbajtjen e shtizave metalike për flamuj, sipas specifikimit, Shërbimi për punë të përgjithshme dhe të përbashkëta i Qeverisë së Maqedonisë do të shpenzojë një milion e dyqind e tridhjetë mijë denarë, pa taksën e vlerës së shtuar ose rreth 20 mijë euro.

Qeveria rreth një muaj më parë ka shpallur tender për furnizim dhe instalim të dhjetë shtizave metalike, që do të shërbejnë për vendosjen e flamurit shtetëror të Maqedonisë.

Shtizat do të kenë një lartësi prej 30 metrash, ndërsa vlera e tenderit pa TVSH arrin 68 mijë euro. Sipas një vlerësimi të përafërt, një shtizë do të kushtojë 7 mijë euro.

Vendosja e shtizave ka filluar në vitin 2008 dhe prej atëherë shtiza metalike me flamurin shtetëror shpesh vendosen nëpër sheshe, shëtitore këmbësorësh dhe para institucioneve publike të Maqedonisë.