Kryetari i Ferizajt, Agim Aliu ka prezantuar përfundimin e projektit të fundit të madh në këtë qytet të nënkalimit të ri afër Stacionit të Policisë.

Projekti në fjalë është vazhdim i projektit të kaluar të nënkalimit në Ferizaj. Aliu tha se ky projekt është një vepër madhore për qytetin e Ferizajt.

“Veturat e bashkatdhetarëve dhe shumë bashkëqytetarëve ferizajas ishin ato që të parat shkelën segmentin e parë të sapo përuruar të nënkalimit të ri afër Stacionit të Policisë në Ferizaj kjo si vlerësim e respekt si dhe dhuratë në këtë kohë kur po kalojnë pushimet në vendlindje.

Bashkë me ferizajas të shumtë sot, përuruam degëzimin e parë rrugor të Nënkalimit të Ri një vepër madhore e infrastrukturës rrugore, që Ferizajt i jep akoma më shumë zhvillim transformim zgjidhje e shije urbane.

Ta gëzojnë ferizajasit! Urime!”- ka shkruar Aliu në “Facebook”. /Lajmi.net/