Aleanca për Ardhmërinë e Kosovës ka njoftuar se do të organizojë një tryezë diskutimi me temën “Gjendja e Arsimit në Kosovë – sfidat dhe mundësitë”.

Sipas tyre kjo vie si pasojë e problemeve të vazhdueshme në të gjitha nivelet e arsimit, shkruan lajmi.net.

“Është e qartë dhe më se evidente që Arsimi nuk është prioritet në këtë qeveri dhe se problemet janë shtuar dhe janë alarmante” është thënë në njoftimin e tyre.

“Ndikimi politik, mungesa e investimeve kapitale, mungesa e fondeve për hulumtime shkencore, pagat e ulëta si dhe kushtet e dobëta infrastrukturore kanë sjellur këtë sektor buzë kolapsit”, kanë shtuar më tutje ata.

Tryeza mbahet sot, nga ora 14:00, në sallën 506, në ndërtesën e Kuvendit të Republikës së Kosovës.

Njoftimi i plotë:

Arsimi në Republikën e Kosovës është duke u ballafaquar me probleme sistematike dhe mungesë serioze të trajtimit nga kjo qeveri, në të gjitha nivelet, duke filluar nga arsimi parafillor e deri te ai i lartë. Është e qartë dhe më se evidente që Arsimi nuk është prioritet në këtë qeveri dhe se problemet janë shtuar dhe janë alarmante. Ndikimi politik, mungesa e investimeve kapitale, mungesa e fondeve për hulumtime shkencore, pagat e ulëta si dhe kushtet e dobëta infrastrukturore kanë sjellur këtë sektor buzë kolapsit.

Lidhur me këtë çështje, Aleanca për Ardhmërinë e Kosovës në bashkëpunim me Forumin Intelektual – Evropa 2023, organizojnë tryezën me temë “Gjendja e Arsimit në Kosovë – sfidat dhe mundësitë”.

Tryeza mbahet sot, nga ora 14:00, në sallën 506, në ndërtesën e Kuvendit të Republikës së Kosovës.

Ftoheni ta ndiqni këtë ngjarje! /Lajmi.net/