16 pritje për Berishën në debutim
Portieri i Kombëtares së Kosovës, Haris Berisha e ka luajtur të dielën ndeshjen e parë zyrtare për skuadrën nga Zvicra, HSC Kreuzlingen.
Sport
Kreuzlingeni në javën e parë të Ligës B, fitoi me rezultat 26:23 kundër Kadetten Espoirs.
Shtatlarti Berisha startoi në ndeshje dhe u shqua me paraqitje. I ndali plot 16 gjuajte të kundërshtarëve, përkatësisht 52 për qind të gjuajtjeve. E ndali edhe një penallti po ashtu.
Te Kreuzlingeni luajnë edhe kapiteni i Kosovës, Valon Dedaj dhe aloja Drenit Tahirukaj. Dedaj shënoi katër gola, kurse Tahirukaj dy. /Lajmi.net/
