Zyrtare: Përforcohet Barcelona
Barcelona e ka zyrtarizuar transferimin e basketbollistit Joey Dorsey.
Sport
Amerikani ka nënshkruar kontratë me klubin katalunas deri në fund të këtij sezoni.
Dorsey ka kaluar me sukses testet mjekësore dhe pritet të debutojë për Barcelonën të premten e ardhshme, ku katalunasit luajnë me Olympiacosin, përcjellë “Lajmi.net”.
Amerikani, i cili është i gjatë 203 centimetra, ka luajtur për Barcelonën në edicionin 2013/14, ndërsa në NBA ka qenë pjesë e Houston Rockets.
Në 15 ndeshjet e zhvilluara në Eurocup, Dorsey ka një mesatare prej 7.9 pikësh dhe 6.5 kërcimesh në 17 minuta për ndeshje.