Milani është në bisedime për të nënshkruar me mesfushorin e Aston Villa, Douglas Luiz.

Sipas ‘Goal’, ‘Rossonerët’ janë duke zhvilluar bisedime të drejtpërdrejta me ekipin nga Premier Liga për një marrëveshje të mundshme gjatë kësaj vere, transmeton lajmi.net.

24-vjeçari beson se ka një shans të madh për arritjen e një marrëveshjeje këtë merkato, por nëse jo, mundësia e një transferimi si një lojtar i lirë mund të diskutohet edhe në janar.

Është raportuar se Villa do të preferonte të merrte një tarifë për Luiz dhe do të konsideronte uljen e vlerësimit të lojtarit për të shtyrë drejt marrëveshjes.

Luiz i ka kaluar tre vitet e fundit të karrierës së tij te Villa, ndërsa kartoni i tij nga klubi i Premier Ligës vlerësohet 30 milionë euro.

Mbetet të shihet nëse do të arrihet një marrëveshje në mes klubeve./Lajmi.net/