Me këtë rast, ministrja Bajrami i njoftoi përfaqësuesit e FKGK-së për angazhimin e Ministrisë së Financave në rishikimin e Buxhetit 2020, ku në kuadër të kësaj do të inkorporohen masat e Qeverisë Hoti për rimëkëmbjen ekonomike pas pandemisë Covid19.

Ajo shprehu gatishmërinë e saj dhe institucionit që drejton për të bashkëpunuar me partnerët e Ministrisë së Financave, në zhvillimin e sektorit privat, me theks të veçantë prodhimtarisë dhe sektorëve që gjenerojnë rritje ekonomike.

Drejtuesit e FKGK-së falënderuan ministren Bajrami për bashkëpunimin, me qëllim të përkrahjes së sektorit privat, duke zgjeruar qasjen në financa për ndërmarrjet dhe duke mundësuar krijimin e vendeve të punës, rritjen e prodhimit vendor, si dhe përmirësimin e bilancit tregtar.