Gjëra që nuk i dini për zbardhjen e dhëmbëve
Produktet e lira për zbardhjen e dhëmbëve si dhe metodat e përdorura në shtëpi mund të dëmtojnë në mënyrë të përhershme dhëmbët tuaj.
![](https://lajmi.net/wp-content/uploads/2016/06/dhembi.jpg)
Lifestyle
Alarmi vjen nga ekspertë të stomatologjisë, të cilët thonë se ka disa produkte aq të egër sa mund t’ju heqin smaltin e dhëmbëve, duke bërë që ndonëse të rinj në moshë dhëmbët tuaja të duken sikur të ishit të moshuar.
Zbardhja e dhëmbëve në vendet evropiane, por jo vetëm, është përhapur gjerësisht, pasi njerëzit dëshirojnë të kenë buzëqeshje si ajo e yjeve të Hollywood.
Dr Harris thotë se një zbardhje profesionale e dhëmbëve kushton mbi 900 euro. Kjo është edhe prej arsyeve që sipas tij, njerëzit zgjedhin metoda të lira, por që mund të kenë pasoja të rënda.
Eksperti thotë se zbardhja e dhëmbëve me seanca në rastin më të mirë është e padobishme, ndërsa në rastin më të keq e rrezikshme.
Në punën kërkimore të Dr.Harris tregohen se vetëm peroksidi hidrogjenit dhe derivatet e tij, mund të zbardhin dhëmbët tuaj.
Sa i përket zbardhjes së dhëmbëve me anë të acidit citrik që ndodhet tek limoni apo luleshtrydhet, eksperti thotë se nuk funksionon. E vetmja gjë që bën është që t’i dëmtojë ato.