Të Infektuar: 4931

Të Shëruar: 2267

Të Vdekur: 102

​Arrestimet tronditin Australinë, skenar i njëjtë si në SHBA? – VIDEO

7:47 | 3 Qershor 2020

Një video e arrestimit të një adoleshenti në New South Wales u publikua në rrjetet sociale, dhe ajo tregon një oficer policie që përdor forcë.

Për shkak të kësaj, kompetencat e oficerit policor janë të kufizuara dhe ndaj tij po zhvillohet një hetim, raporton Guardian.

Një nga të afërmit e të riut të arrestuar, i cili përndryshe është anëtar i komunitetit indigjen, njoftoi se ai ishte në park, i cili është më pak se 100 metra larg shtëpisë së tij.

Sipas tij, policia nuk kishte arsye ta arrestonte, transmeton KosovaPress.

Në regjistrim shfaqen oficerët e policisë duke biseduar me një grup që përfshinte edhe këtë të ri, pak para arrestimit.

Polici tha: “Hapni veshët”, të cilit dikush u përgjigj: “Nuk kam pse të hap veshët, do të thyej nofullën tuaj, vëlla”.

Polici pastaj filloi të arrestojë djalin e ri duke e shtrirë në tokë.

Një i afërm i të riut tha se ishte dërguar në komisariat përpara se të dërgohej në spital.

“Rreth orës pesë të mesditës, oficerët e policisë patrulluan Word Park në Sarah Hills dhe më pas biseduan me një grup adoleshentë. Një djalë 17-vjeçar dyshohet se kërcënoi oficerin e policisë para se të arrestohej dhe të merrte në komisariat,” tha policia në një deklaratë.

Australia ka frikë se kjo çështje mund të përshkallëzohet, siç ndodhi në Shtetet e Bashkuara pas vrasjes së afro-amerikan George Floyd.

Anyone who has seen this footage cannot be other than alarmed and sickened by it. I understand there is an internal @nswpolice investigation currently underway – I await the outcome with interest. @PatsKarvelas @abcnews pic.twitter.com/TsJGarTK31

— Dave Sharma (@DaveSharma) June 2, 2020