Talenti i Tiranës, Elvi Berisha, më në fund ka firmosur në Spanjë, për Leganes. Klubi i Primeras është bindur nga paraqitjet e mira të mesfushorit 18-vjeçar, i cili qëndroi disa kohë në provë me Leganes B.

Sot Berisha ka firmosur, duke u transferuar përfundimisht në Spanjë, ku bëhet shqiptari i dytë aty, pas Keidi Bares, raporton Sport Ekspres.

Për momentin Berisha do të luajë te Leganes B, ndërsa më pas do të jetë në dorën e tij gjithçka, sepse paraqitjet e mira mund t’i hapin dyert e ekipit të parë herët a vonë.

Ndërkaq, Tiranës i takojnë 90 mijë euro si klubi mëmë.