ZYRTARE: Rosberg pensionohet nga Formula 1
Nico Rosberg ka befasuar duke u pensionuar nga Formula 1 menjëherë pasi fitoi titullin e kampionit të botës.
Sport
Ngasësi i Mercedesit, Nico Rosberg është pensionuar nga Formula 1.
Vendimi i tij i befasishëm vjen vetëm disa ditë pasi gjermani festoi titullin e kampionit të botës.
“Është e vështirë ta shpjegoj arsyen e vendimit”, deklaroi Rosberg në komunikatën e publikuar në profilin e tij në Facebook, përcjell “Lajmi.net”.
“Nga mosha 6 vjeç ëndrra ime ishte ta fitojë titullin në Formula 1. Dhe, tani ia dola. E kam kaluar një bjeshkë dhe tani që jam i çliruar ndihem shumë mirë”, theksoi ai.