ZYRTARE: Lopetegui nënshkruan me top ekipin e Evropës – Lajmi.net
ZYRTARE: Lopetegui nënshkruan me top ekipin e Evropës
Autori: Lajmi.net Lajme futbolliSport 13:00, 22 May 2018
Julen Lopetegui do të vazhdojë të jetë trajner i përfaqësueses spanjolle edhe për dy vite të tjera.

Tekniku iberik rinovoi kontratën me Federatën Spanjolle të Futbollit, deri në vitin 2020, kur të përfundojë Europiani i atij viti.

Presidenti i ri “qeverisë” së futbollit spanjoll, Luis Rubiales komentoi arritjen e akordit për zgjatjen e bashkëpunimit me Lopeteguin.

“Na u deshën vetëm 5 minuta për të mbyllur këtë histori, – tha Rubiales. – Vetëm dy çështje ishin pezull dhe ne i zgjidhëm shumë shpejt. Gjithçka ishte shumë e lehtë. Ishte zgjidhja më e mirë për kombëtaren”.

Nga ana e tij, Lopetegui shfaqi mirënjohjen dhe falënderoi Rubialesin për besimin që ai tregoi ndaj tij, duke shtuar se tani e gjithë vëmendja do të jetë te Botërori i Rusisë, ku skuadra e tij ka shumë shpresa që të fitojë, transmeton “TCH”.

Julen Lopetegui e mori drejtimin e përfaqësueses spanjolle në vitin 2016, pas Europianit të Francës, kur zëvendësoi Vicente Del Bosquen. Një ditë më parë ai publikoi listën e lojtarëve që do të luajnë në Kupën e Botës, ku Spanja është në një grup me Portugalinë, Iranin dhe Marokun.

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO