Zyrtare: Kosova kundër Omanit
Përfaqësuesja e Kosovës ka zyrtarizuar një kundërshtar të ri për ndeshje miqësore. Skuadra e Albert Bunjakut do të ndeshet me Omanin në shtator.
Sport
Kosova do të zhvillojë një miqësore me Omanin në shtator, por ende nuk është vendosur nëse dueli do të luhet në Prishtinë ose Mitrovicë.
Federata e Futbollit të Kosovës (FFK) ka konfirmuar se skuadra e selektorit Albert Bunjaku ka gjetur një kundërshtar të ri.
“KE (Komiteti Ekzekutiv i FFK-së) ka marrë konfirminin zyrtar nga Federata e Futbollit të Omanit, për zhvillimin ndeshjes miqësore me përfaqësuesen e Omanit. KE do të bëjë përpjekje që kjo ndeshje të zhvillohet në stadiumin e kryeqytetit dhe për këtë ka pasur takime të kryetarit Vokrri dhe sekretarit Salihu me zyrtarët e Prishtinës, në mënyrë që ata të marrinë një pjesë të detyrave sa i përket përgatitjes së stadiumit, ndryshe alternativë mbetet stadiumi ‘Adem Jashari’ në Mitrovicë”, thuhet ndër të tjera në njoftimin e FFK-së.