ZYRTARE: Jorginho i bashkohet Sarrit në Chelsea
Jorginho ka nënshkruar kontratë pesëvjeçare në Chelsea dhe do ta veshë fanellën me numrin 5.
Sport
Jorginho ka përcjellë Maurizio Sarrin nga Napoli në Chelsea duke u bërë përforcimi i parë i afatit kalimtar të verës te klubi londinez.
Mesfushori ka nënshkruar kontratë pesëvjeçare dhe do ta veshë fanellën me numrin 5.
“Jam shumë i lumtur që jam këtu në Chelsea. Nuk është e lehtë të jeni pjesë e një ekipi kaq të madh andaj jam shumë, shumë i lumtur. Ndihem i gëzuar që do të luaj në një ligë me intensitet të lartë, do ta jap maksimumin për të luajtur dhe fituar”, u shpreh Jorginho për uebfaqen zyrtare të Chelseat, përcjell “lajmi.net”.
Jorginho nënshkroi me Chelsean në ditën e njëjtë kur Sarri u zyrtarizua si menaxher i ri te skuadra e “Blues”. /Lajmi.net/