Zvicër, himni i ri ende duhet t’i bindë zviceranët

Teksti i ri i himnit zviceran do të këndohet në manifestimet më 1 gusht, edhe pse ndryshimi zyrtar nuk është gati

Bota

27/07/2017 12:10

Për 1 gusht, shtatëdhjetë personalitete do të sillen nga katër ish-këshilltarët federalë : Ruth Dreifuss, Ruth Metzler, Eveline Widmer-Schlumpf dhe Moritz Leuenberger. Nxitësit e himnit kombëtar të Zvicrës janë organizuar për ta bërë sa më të njohur himnin. Shoqata zvicerane për mirëqenie publike shpreson të rrisë popullaritetin e tekstit, i cili është shkruar nga banori i Cyrihut, Werner Widmer. Një strofë e zgjedhur pas një konkursi të nisur në vitin 2014 është përkthyer në katër gjuhët kombëtare.
Ku këndohet: “Nën një kryq të bardhë me sfond të kuq”, në vend të: “Në malet tona kur dielli…” Moritz Leuenberger thotë se është i kënaqur. “Unë tani mund ta pranoj, shpesh më ka ndodhur të pretendoj se po këndoj vetëm duke lëvizur buzët, veçanërisht në fund të himnit. Unë nuk doja t’i mësoja përmendësh disa pasazhe pompoze”, tregon Werner Widmer. Shoqata zvicerane për mirëqenie publike është e vendosur për të hequr pluhurin mbi himnin e nderuar zviceran, i krijuar më 1841. Ajo gjithashtu dëshiron “të nisë një debat kombëtar mbi identitetin dhe vlerat thelbësore të vendit”. Pavarësia, liria, drejtësia dhe hapja ndaj botës: teksti është i frymëzuar nga preambula e Kushtetutës Federale.

“Himni është shumë i lehtë për ta mësuar”

Qasja ka tërhequr politikanët (Jacqueline de Quattro, Antonio Hodgers), personalitete nga bota e sportit (ish-skiatoren Maria Walliser, luftarakja Sonia Kälin), shkrimtarët dhe artistët (Metin Arditi, Emil Steinberger, Rolf Knie ), të cilët të gjithë i janë bashkuar komitetit për mbështetje. Teksti i ri gjithashtu kënaq kryetarin e Shoqatës së mësuesve zviceranë, Beat Zemp: “Është shumë i lehtë për ta mësuar. Ai mund të këndohet dhe të kuptohet që nga shkolla fillore”.
Vitin e kaluar teksti i ri i himnit është kënduar gjatë festimeve të 1 gushtit në livadhin Grütli, si dhe në njëzet komuna. “Jehona ishte për shumicën e favorshme, por ka pasur edhe disa kritika”, thotë Lukas Niederberger, drejtor i Shoqatës zvicerane për mirëqenie publike. Edhe këtë vit himni i ri do të këndohet në Rütli dhe në disa qytete, duke përfshirë Bernën, Winterthurin dhe Wilin. Nëse fjalët kanë ndryshuar, muzika e himnit mbetët e paprekur./Albinfo.ch/