Zinedine Zidane është i pakënaqur me shortin e çerekfinales në Ligën e Kampionëve.

Trajneri i Real Madridit ka thënë se nuk kishte dëshiruar të takohej me Juventusin në fazën tjetër të garës.

“Juventus është ekip i fortë, njësoj si në edicionin e kaluar. Është një ekip sfidues. Do të jetë e vështirë, kemi 50% të mundësisë së kualifikimit”, deklaroi Zidane në konferencë për media, përcjell “lajmi.net”.

“Juventus ishte ekip i rëndësishëm në karrierën time si futbollist. Do të më pëlqente t’i shmangeshim Juventusin por shorti na caktoi si kundërshtarë”, u shpreh ai. /Lajmi.net/