Zhbogar: Ne nuk mund ta kryejmë punën e liderëve kosovarë

Samuel Zhbogar ka thënë se u takon liderëve kosovarë që ta zgjidhin ngërçin, pasi janë ata që përfaqësojnë vullnetin e popullit. 

Lajme

20/10/2014 15:30

Shefi i zyrës së BE-së në Kosovë, Samuel Zhbogar, gjatë qëndrimit të tij në Pejë ku ka marrë pjesë në inaugurimin e projektit të efiçencës së energjisë elektrike në shkollën fillore ‘8 Marsi’, është pyetur nga mediat edhe për ngërçin politik në vend. 

Zhbogar duke folur për ‘ngërçin’ nga Peja ka sforcuar mesazhin e tij për dalje nga kjo situatë duke iu referuar qëndrimit se zgjidhja duhet të gjendet nga vet kosovarët, raporton TV ‘Dukagjini’. 

“Puna ime është të nxisë udhëheqësit politikë që kanë marrë përgjegjësi nga vota e popullit që ta zgjidhin ngërçin. Në mbështesim përpjekjet e Jahjagës që t’i shtyjë ata rreth një marrëveshje. Koha po kalon por ne nuk mund që ta kryejmë punën e liderëve”. 

“Ne do të vazhdojmë të kemi besim se Kosova dhe kosovarët do e gjejnë zgjidhjen. Kjo është më e rëndësishme për Kosovën por e rëndësishme edhe për ne. Pra, jo vetëm që të gjendet një zgjidhje por kjo zgjidhje të gjendet nga vet kosovarët”, ka thënë Zhbogar.