Njollat e moshës apo njollat ngjyrë të gështenjtë në lëkurë dinë të bëhen shumë irrituese, posaçërisht nëse jeni të rinj dhe ju ndikojnë edhe në vetëbesim, transmeton Telegrafi.

Më së shpeshti shfaqen në fytyrë, duar, supe dhe këmbë, ndërsa me kalimin në moshë numri i tyre shtohet. Mirëpo, ka ardhur koha që t’i eliminojmë.

Ekziston zgjidhja natyrale e cila do t’ju ndihmojë. Ju nevojiten vetëm dy përbërës të cilët me siguri i keni në shtëpi – qepa e freskët dhe uthulla!

Qepën e freskët priteni në kube, qiteni në blender dhe përzieni mirë. Pastaj shtoni uthullën dhe përzieni mirë derisa të bëhet masë e lëmuar.

Procedura: Merrni vatë pambuku dhe njomeni në tretje, pastaj njomni pjesën e lëkurës në të cilën keni njolla.

Këtë tretman duhet ta bëni çdo ditë, përafërsisht një muaj.

Rezultatet e para do t’i vëreni që pas shtatë ditësh, ndërkaq ju vazhdoni ende, derisa t’i eliminoni tërësisht njollat.