Zgjedhja e Thaçit president, nesër në kushtetuese (Video)
Riza Smaka, njohës i çështjeve kushtetuese vlerësoi se Kushtetuta është shkel shumë shpesh nga liderët politik në Kosovë, si Presidentja, ashtu edhe nga kryeministri.
Lajme
Ai ka identifikuar një nga një shkeljet që janë bërë.
“Kushtetutën e ka shkel Presidentja kur e ka nisë procedurën e vlerësimit të AKS si Komunitet në Kushtetuese”, tha ai, duke sqaruar se fjala Komunitet është një nivel më i lartë se Asociacion, por që sipas tij, kjo është heqë nga liderët politik, të cilët e kanë nënshkruar këtë marrëveshje.
“Kryeministri i ka bërë 23 shkelje e as nuk skuqet, se le më me dhanë dorëheqje”, tha ai.
Duke kujtuar se Kushtetuta nuk ndalon votimin ndaj vetes, Smaka tha se Behgjet Pacolli dhe Fatmir Sejdiu nuk e kanë shkel Kushtetutën.
“Çdo gjë që nuk asht shprehimisht e ndaluar – është e lejuar”, tha Smaka.
“Ja shoh për të madhe që pak u ngutë”, tha lidhur me zgjedhjen e Thaçit President, duke shtuar se si para, , si mbas zgjedhjeve, Thaçi i ka të garantuara votat nga partia e tij, për tu zgjedhur President.
“Në ditën e votimit të Presidentit nuk kanë qenë 120 deputet; Neni 86 presupozon me qenë më tepër se 2 kandidatë, se në votimin e dytë shkojnë 2 kandidatë që kanë vota ma shumë; Kryeministri edhe para mediave ka shku me folë me deputetët për me votu Thaçin – ai nuk është i thirru për me i propagandu deputetët;” i përmendi Smaka si shkelje kushtetuese gjatë procesit të zgjedhjes së Thaçit president.
“Kushtetuta nuk është përfill, por është dashtë me u përfill”, theksoi ai.
“Sa e di unë, nesër ka me u dërgu në Kushtetuese procesi i zgjedhjes së Presidentit”, tha krejt në fund Smaka.