David de Gea është objektivi kryesor i Real Madridit për portën për sezonin e ardhshëm, pasi Los Blancos nuk janë të sigurt me Keylor Navas, që vazhdon të kritikohet pas atij goli që pësoi në Ligën e Kampionëve nga Juventusi.

Manchester United, duke e ditur se mund ta humbasë De Gean, është duke tentuar të bëjë marrëveshje që do t’i shkonte për shtati edhe atyre.

“Don Balon” raporton se “Djajtë e Kuq” janë duke shikuar mundësinë që të shkëmbejnë De Gean me Iscon, ky i fundit është duke menduar seriozisht largimin nga “Santiago Bernabeu”.

Isco ishte titullar në fitoren 2-1 të Real Madridit kundër Malagas, ku edhe shënoi gol – por nuk është i lumtur me minutat që ka në dispozicion, sidomos në ndeshje të rëndësishme, andaj edhe mund të largohet gjatë verës.

Për Iscon është duke u interesuar edhe Manchester City, por meqenëse Reali e do që një kohë De Gean, United beson se do ta bindë Realin që t’i shkëmbejnë lojtarët.