Pas transferimit në Manchester United gjatë verës, mesfushori Wilfried Zaha ende nuk ka bërë një paraqitje në Premierligë këtë edicion.

Kjo zgjoi spekulime se Zaha ka përfunduar jashtë ekipit pasi u zu në shtrat me vajzën e menaxherit David Moyes. Por, 20-vjeçari nëpërmjet një postimi në profilin e tij zyrtar në rrjetin social Twitter i ka quajtur “fëmijërore” njoftimet e tilla.

Kurse, Moyes së fundmi shpjegoi se arsyet e vërteta pas mungesës së Zahas, ishte paraqitja e tij me ekipin e dytë të Unitedit kundër Bolton Wanderers të hënën mbrëma.

Mirëpo, qëndrimi i tij jashtë ekipit të parë të gjigantit nga Old Trafford vazhdon të jetë misterioz. Futbollisti konsiderohej si talent i madh, gjak i ri, për çka ka nevojë skuadra pas krizës së rezultateve në edicionin e ri.