Zagrebi si model për Ligjin e Prishtinës
Komisioni për administratë publike, qeverisje lokale dhe media i Kuvendit të Kosovës ka organizuar sot dëgjim publik lidhur me amendamentimin e Projektligjit për Prishtinën.
Lajme
Besnik Tahiri, nga Instituti Kosovar për Qeverisje Lokale, ka thënë se Kosova është vonuar me këtë projektligj.
Ai ka propozuar që të merret model Zagrebi, duke e forcuar më shumë Kuvendin Komunal.
Tahiri ka thënë se Prishtina ka problem me shëndetësinë sekondare dhe kjo duhet të rregullohet me këtë projektligj.
Ndërkohë, ai nuk e përkrah ndarjen e një buxheti shumë më të madh për kryeqytetin.
“Po kërkohet që Prishtina duhet me pasë një buxhet më shumë, e që nuk është praktikë e mirë. Mbi 4% nuk është e nevojshme”, tha Tahiri, raporton Ekonomia Online.