Zaev bindet për pjesëmarrje në takim me Gruevskin
Kryetari i partisë opozitare në Maqedoni LSDM, Zoran Zaev, mbrëmë në orët e vona është bindur nga ambasadorët e huaj që të merr pjesë në takimin e sotëm të liderëve në Shkup, me qëllim për të tejkaluar krizën politike dhe të sigurisë në vend.
Lajme
Zaev ka dhënë përgjigje pozitive pas garancisë se në këtë takim do të marrin pjesë edhe ambasadori amerikan, Jess Baily dhe i Bashkimit Evropian, Aivo Orav.
Takimi i liderëve do të mbahet sot në ora 14:30 në Klubin e deputetëve.
Kreu i LSDM-së ka deklaruar se do të ishte e parëndësishme prezenca e tij pa faktorin ndërkombëtar. Zaev ka një përvojë të hidhur me kryeministrin Gruevski ku pas takimeve Gruevski përcjell informata të shtrembëruara përmes mediave që ai i kontrollon për atë që merret vesh apo bisedon në takimet e liderëve.