YouTube: TV është tregu jonë me rritjen më të shpejtë

Pasi dominimit të shikimit të videove në telefona mobil, tablet dhe kompjutera, platforma YouTube tani po vendos synimin e saj në ekranin e madh: aët në dhomën e ndenjes, shkruan The Guardian.

Auto & Tek

14/09/2018 14:48

Ekranet televizive janë zona me rritje më të shpejtë të tregut për YouTube, sipas drejtorit të produkteve të kompanisë, Neal Mohan. “Telefonat nuk janë më pajisja më e shpejtë në rritje këto ditë. Në të vërtetë janë ekranet si ekrani i dhomës së ndejës ose televizori, ku njerëzit hapin aplikacionin e YouTube kur vijnë nga puna, ulen në shtrat dhe shikojnë YouTube.”

“Kjo sot është rreth 180 milion orë kohë shikimi [një ditë], dhe në BE numri po rritet për 45% nga viti në vit”.

Geoff Blaber, VP hulumtues në firmën analitike CCS Insight, thotë se YouTube mund të jetë një partner i mirë për transmetuesit tradicionalë dhe poashtu një kërcënim. “Ata janë mik-armik. Fakti është se koha e konsumatorit, dhe nuk ka rëndësi se në çfarë tregu, do të ndahet në një gamë gjithnjë e më të madhe të shërbimeve të ndryshme.

“Nëse jeni një pronar i përmbajtjes ose një transmetues, duhet të jeni në gjendje të siguroheni që po arrini konsumatorët në kohën e duhur.”

“Transmetuesit në Britani të Madhe padyshim e shohin YouTube si një konkurrent, por ata nuk janë konkurrent në të njëjtën masë si Netflix apo Amazon.” Kjo, thotë Blaber, e bën YouTube më pak kërcënim të menjëhershëm.

Në ndërkohë, Mohan thekson se Youtube ka bashkëpunuar me transmetuesit e ndryshëm televiziv, në të mirën e të dyja palëve.

“Qasja unike e YouTube është se nuk është vetëm për zhanret që ju jeni mësuar të shihni – sporti, përmbajtje nga transmetuesit tradicional – por është edhe përmbajtja e papritur dhe e inovative. Ne kemi kanale me 250,000 ndjekës në tema si këpucët apo thurrja e rrobave në stil të shekullit të 18-të. Për përdoruesit që janë të interesuar për këto tema, kjo është epoka e artë e televizorit.” shtoi Mohan.