Lideri fisnor tha se xhihadistët e grupit Shteti Islamik sot kanë ekzekutuar publikisht 50 pjesëtarë të tjerë të fisit Al-Bou Nimr, në fshatin Ras al-Maa, nga i cili banorët ishin larguar pasi xhihadistët e kishin okupuar qytetin Hit, transmeton REL.

Më tutje, al-Gau tha se militantët e IS vazhdojnë t’i mbajnë afro 125 pjesëtarë të fisit në fshatin Ras al-Maa.

Pjesëtarët e fisit Al-Bou Nimr kanë luftuar së bashku me forcat qeveritare kundër militantëve të IS.

Ky grup ekstremist islamik ka vazhduar të okupojë territore në provincën Anbar, gjatë javëve të fundit, megjithë sulmet ajrore kundër tyre që i ndërmerr koalicioni i udhëhequr nga Shtetet e Bashkuara.