Zharku thotë se për këtë çështje edhe ka ikur nga Kosova dhe nuk ka pranuar ta vuaj dënimin.

“Atëherë kur jam akuzuar, në vitin 2008, kam qenë në Suedi. Po sa kam dëgjuar për fletë-arrestin, unë jam kthyer, ku edhe kam shkuar në Prizren e jam lajmëruar në stacionin policor, dhe jam mbajtur në Prishtinë në paraburgim. Unë nuk i kam ikur drejtësisë, jam munduar ta dëshmoj pafajësinë time, dhe jam dënuar për një vepër që nuk e kam bërë”, ka thënë ai.

“ Argumentet nuk janë përfillur kurrë. Unë kam pasur takime edhe me ministrat e asaj kohe. Kam kërkuar që të merren për bazë faktet që po i ofrojë unë”, ka thënë ai.
Zharku ka treguar se edhe aksioni për arrestim është anuluar në momentin e fundit.
“Nuk e di çfarë ka ndodhur. Njëherë me është thënë se do të arrestohem, por tani ky aksion është anuluar”.

Ish-kryetari i Kaçanikut ka thënë se nga Kosova është larguar si një qytetar i thjesht dhe s’ka pasur ndonjë arrati.

“Unë nuk jam arratisur. Jam larguar nga Aeroporti i Shkupit, dmth deri atje kam shku me veturë dhe s’ka pas ndonjë kalim ilegal”.

Zharku thotë se s’ka kërkuar kurrë ndihmë nga PDK dhe politika për rastin e tij.

Zharku ka thënë se është bërë ai shkak dhe EULEX ka nisur hetimet brenda vetes.

“Në Suedi kam takuar zyrtarë të lartë të EULEX-it, në prani të Qeverisë suedeze, ku më kanë kërkuar pse e akuzoj EULEX-in, çka kanë gjetur më shumë se sa që kam thënë unë. Nga aty ka filluar hetmi brenda EULEX-it”, ka thënë ai.

Zharku ka treguar pse e ka ndërruar edhe dukjen me të ardhur në Kosovë, ngase në fotografi më herët, gjatë qëndrimit në Suedi, është parë me mjekërr.

“Njerëzit në Kosovë më mbajnë mend pa mjekërr dhe kam vendosur të jem ashtu siç më mbajnë mend”, ka thënë ai.