lajmi.net

VV thërret në interpelancë kryeministrin Haradinaj për rritjen e pagave

Lëvizja Vetëvendosje ka dorëzuar kërkesën për interpelancë të kryeministrit Ramush Haradinaj lidhur me çështjen e rritjes së pagave.

Lajme

25/01/2018 16:48

Përmes një njoftimi për media thuhet se VV nëpërmjet deputetes Albulena Haxhiu dhe deputetëve nënshkrues dorëzoi sot kërkesën për Interpelancë për Kryeministrin Haradinaj, lidhur me vendimin për rritjen e pagave të zyrtarëve të lartë, pagën minimale dhe pagesat e skemës sociale.

Njoftimi i plotë:

Dorëzohet kërkesa për interpelancë lidhur me rritjen e pagave të zyrtarëve të lartë, pagën minimale dhe pagesat e skemave sociale

Lëvizja VETËVENDOSJE! nëpërmjet deputetes Albulena Haxhiu dhe deputetëve nënshkrues dorëzoi sot kërkesën për Interpelancë për Kryeministrin Haradinaj, lidhur me vendimin për rritjen e pagave të zyrtarëve të lartë, pagën minimale dhe pagesat e skemës sociale.

Presim nga Kryesia e Kuvendit që sa më parë dhe me prioritet të lartë ta caktojë në rendin e ditës këtë kërkesë tonën për shkak të rëndësi së madhe të kësaj teme dhe shqetësimit po ashtu të madh nga qytetarët e të gjitha grupimeve shoqërore.

Grupi ynë do ta dërgojë po ashtu në Gjykatë Kushtetuese vendimin joligjor dhe të padrejtë të Qeverisë së Republikës së Kosovës për rritjen e pagave të zyrtarë të lartë politikë. 

LM