VV akuzon Policinë dhe Mustafen: Po na përgjojnë zyret (FOTO)

Lëvizja Vetëvendosje, nëpërmjet një njoftimi në Facebook ka pranuar se një person që, siç thonë ata, është deklaruar si polic ka tentuar të vendos përgjuese në zyret e tyre.

Lajme

20/10/2015 17:56

Sipas tyre, ky person nuk kishte asnjë dokument identifikues me vete, por kishte pranuar se quhej Qerim Krasniqi, raporton lajmi.net.

Ky subjekt politik po e akuzon kryeministrin Mustafa se ai është përgjegjës për këto veprime dhe se ky skandal, sipas tyre, duhet të hetohet urgjentisht nga sistemi i drejtësisë dhe të zbardhet sa më parë./lajmi.net.

12118938_10153018300337000_2095440726319868127_n

12115980_10153018298887000_3786898911099551549_n

 

Ky është postimi i plotë i VV-së:

Policia sekrete e Isa Mustafës përgjon zyrat e VETËVENDOSJE!-s

Sot rreth orës 15:00, në zyrën qendrore të Lëvizjes në Prishtinë, u kap një person tek tentonte fshehtazi që të vendoste pajisje përgjuese pranë zyrave të Kryesisë së VETËVENDOSJE!-s dhe kryetarit Visar Ymeri. Personi i cili nuk kishte asnjë dokument identifikues me vete, deklaroi që është polic. Ai fillimisht nuk pranoi të tregonte identitetin kurse më pas tha që quhet Qerim Krasniqi. Pajisjet që kishte me vete u gjetën nga aktivistët. Ky person iu dorëzua Policisë bashkë me pajisjet që kishte me vete.

Represionit policor të Isa Mustafës po i shtohen edhe metodat përgjuese ndaj kundërshtarëve politikë. Kosova po shndërrohet në një shtet totalitar ku opozita torturohet nëpër stacione, kidnapohet në rrugë, dhe hetohet nëpër zyra. Këto praktika, të cilat janë përdorur ndaj rezistencës kombëtare edhe në të kaluarën nga pushtetit të cilit i ka shërbyer Isa Mustafa, janë të papranueshme në Kosovë. Ky skandal duhet të hetohet urgjentisht nga sistemi i drejtësisë dhe të zbardhet sa më parë.

Më poshtë gjeni fotot e personit dhe pajisjeve të cilat ishte duke i përdorur kur u kap në korridoret e zyrave tona.