Gjatë ditës së sotme ambasadori amerikan në ikje, Kyle Scott, deklaroi se, Qeverisë së Kosovës nuk mund t’i referohemi si  “e ashtuquajtur”, ngase sipas tij e njëjta është e zgjedhur nga populli dhe se Kosova është një shtet sovran dhe demokratik, transmeton lajmi.net.

Kjo deklaratë e ambasadorit Scott ka ngjallur reagimin e ministrit serb të Mbrojtjes, Aleksandar Vulin.

Siç shkruan “Tanjug”, Vulin ka deklaruar se, “me arrogancën e tij, Scott ka harruar se Serbia nuk është koloni dhe nuk mund ta zhduk dinjitetin e saj”, shkruan lajmi.net.

“Më vjen keq që Ambasadori Scott, arrogancën e tij nuk u përpoq ta shfaq në ndonjë ngjarje me presidentin Vuçiq, sepse atëherë ai do të fluturonte kokulur nga Qeveria. Por Serbia së paku e ka parë se kush lufton për Serbinë, e kush mendon vetëm për pjesën e tyre të poshtme”, tha Vulin.

Ai po ashtu ka shtuar se, Serbia nuk është koloni dhe se sipas tij, Kosova është e ashtuquajtur dhe nuk është e pavarurur sepse ajo nuk është as anëtare e OKB-së.

“Ambasadori Scott, me arrogancën e tij, ka harruar se Serbia nuk është koloni dhe nuk mund ta zhduk dinjitetin e saj. Se Kosova është e ashtuquajtur dhe nuk është e pavarur, flet edhe fakti se nuk është anëtare e OKB-së. Apo, ndoshta, Ambasadori Scott ka filluar të flasë e mendojë në emër të Kombeve të Bashkuara”, tha ministri serb. /Lajmi.net/